Archivo de la etiqueta: Fútbol Flag

Colaboración do CSFTEO no II Día do Deporte Solidario

O pasado 4 de xuño celebrouse en Santiago de Compostela, no Centro Comercial Área Central, o II Día do Deporte Solidario, unha iniciativa organizada en beneficio da Asociación Aspas. Os a as deportistas de CSFTEO das disciplinas de judo, karate e xadrez levaron a cabo ao longo do día diferentes actividades co propósito de achegar e dar a coñecer os seus respectivos deportes á cidadanía. Sigue leyendo

Información inicio de tempada 2015/16

Iniciamos unha nova tempada deportiva no Club San Francisco Teo, da cal agardamos que sexa semellante ou mellor á finalizada. Seguiremos traballando pola promoción do deporte como opción saudable fronte ao sedentarismo e como vehículo transmisor de hábitos e valores positivos, a través de tódalas disciplinas deportivas.

Neste mes de setembro deron comezo os seus adestramentos as disciplinas de Karate e Judo, e a medida que avance o mes incorporaranse os demais deportes do CSF Teo, sendo no mes de outubro cando se inicien cos horarios habituais para as e os deportistas.

Nos seguintes enlaces podedes atopar a información dos deportes que comezan a súa actividade deportiva no mes de setembro:

Karate 15-16

Judo 2015-16

Futbol Sala 2015-16*   (horarios provisionais no pavillón municipal de Os Tilos, pendentes de confirmación para esta tempada)

Se precisas máis información estamos en horario de tarde de 16:00 a 21:00 horas ou ben a través do correo electrónico: clubsanfrancisco@arcostilos.org

Comezamos a tempada 2015/16!

Fany xogará o Campionato Europeo de Fútbol Americano Feminino

REPRESENTACIÓN DE GALICIA NO EUROPEO DE FÚTBOL AMERICANO FEMININO

Estefanía Ojea González representa a Galicia no Equipo Nacional de Fútbol Americano Feminino que participará no Campionato Europeo que se celebra en Maracena, Granada, do 1 ao 9 de agosto. Estando concetrada en dita localidade dende o 26 de xullo ata a celebración do Campionato.

Se nos achegamos a coñecer a traxectoria desta deportista e de como chegou ata ser convocada para xogar o Europeo descubrimos un exemplo de superación, traballo e esforzo ca finalidade de acadar un obxectivo.

Estefania, máis coñecida como Fany, comezou fai tres anos probando un novo deporte, Fútbol Americano. Provén doutra práctica deportiva, o karate, que tivo que deixalo por unha lesión e tendo gran interese e paixón polo deporte, tanto de forma persoal como profesional.

Cunha gran iniciativa e curiosidade por coñecer un novo deporte, comezou a asistir aos adestramentos co equipo masculino do CSFTeo. Quedou totalmente enganchada, chegando a ser a precursora da practica feminina deportiva en Galicia e animando a formar o primeiro equipo feminino galego, Gladiadoras do CSFTeo.
A súa andaina comezou pola práctica da modalidade de Flag Football, que é Fútbol Americano sen contacto, pero loitando por introducirse na práctica con contacto, Tackle. Sigue leyendo

Os Deportes do CSF Teo nos Campamentos de Verán de ArcOsTilos

Un ano máis, o Club San Francisco Teo colabora nas actividades deportivas que se realizan nos Campamentos de Verán da Asociación Recreativa e Cultural Os Tilos.

Durante os meses de Xullo e Agosto, en horario de maña, as nenas e nenos de tres anos en adiante poderán coñecer da man dos mestres de Karate e Judo, do adestrador de Fútbol Sala e de deportistas de Fútbol Flag, as modalidades deportivas que se práctican durante toda a tempada no Club, unha forma de comezar a coñecer os distintos deportes ou continuar coa súa práctica durante os meses de verán.

As e os participantes poderán elixir unha actividade específica para comezar o día, e continuarán con piscina, sempre que o tempo o permita, para rematar a maña con actividades de ocio e tempo libre, nas que se utilizan os espazos ao aire libre do entorno dos Tilos.

Máis información no seguinte enlace Campamentos de Verán 2015

Fin da VII Liga Galega de Fútbol Flag

O pasado domingo 23 de maio, finalizaba a VII Liga Galega de Fútbol Flag, onde o equipo mixto de Fútbol Flag acadou o cuarto posto, despois de enfrontarse na fase de PlayOff ao equipo do Towers Football, primeiro clasificado no grupo norte, a pesar da derrota neste partido destacar a gran actuación de todo o equipo ata o último minuto, e durante toda a liga regular.
Noraboa a tod@s por esta boa actuación na LGFF!!

Felicitar dende aquí ao equipo de Vigo Guardians A, que se proclamou campión da VII LGFF, despois de realizar unha gran tempada.

Achegámosvos uns vídeos resumo dos partidos disputados na xornada en casa no Campo da Cañoteira (Cacheiras – Teo):

 
Partido da VII LGFF CSFTeo – Vigo Guardians A

Partido da VII LGFF CSFTeo – Santiago Black Ravens A

O equipo mixto de Flag xogará os playoff da LGFF.

Onte á tarde no Campo de Santa Isabel, en Santiago de Compostela, o equipo mixto do Club San Francisco Teo xogou os últimos partidos da Liga Galega de Fútbol Flag (LGFF), pechando  a fase de clasificación para acceder como segundos do grupo sur a xornada de playoff  o vindeiro 24 de maio no campo de Fragoselo (Coruxo-Vigo).

O equipo do CSF Teo tras gañar cinco partidos dun total de oito, chega aos playoff coa mesma meta do inicio de tempada, disfrutar da competición, aprender tras cada partido e loitar ata o pitido final de partido.

*Imaxes da xornada celebrada no Campo da Cañoteira o pasado 25 de abril de 2015.